Día do pai

Polo día do pai quixemos demostrarlles o noso cariño cun quebracabezas que cada un pintou ao seu gusto, aquí podedes ver algúns deles antes de envolvelos.

Plantas!!

Coa chegada da primavera, descubrimos algunhas das características das plantas.
Fixemos unha visita á horta da nosa veciña e alí vimos plantas moi diferentes.

Tamén fixemos xerminar a nosa propia planta.

Proxecto tempo atmosférico.

Este trimestre traballamos o inverno a través do tempo atmosférico. Sabedes que os galegos temos no noso idioma un centenar de palabras para denominar a chuvia?Na escola da Rabadeira recopilamos unhas cuantas palabras e fotografías que reflexan o noso clima tan peculiar.

Elaboramos o noso propio pluviómetro para rexistrar o que chovía cada día.

Aquí nos vedes calibrando.

 E aquí cando o colocamos no patio, e os primeiros rexistros.

Tamén xogamos a ser presentadores do tempo.

Pero sen dúbida o que máis nos gustou foi descubrir a descomposición das cores e os refráns galegos sobre o arco da vella.

31 de xaneiro: DÍA DA PAZ

A AMIZADE DUPLICA AS ALEGRÍAS E DIVIDE AS ANGUSTIAS POLA METADE: A NOSA FRASE DESTE ANO NO DÍA DA PAZ.

Visita do Apalpador

Antes das vacacións do Nadal foi un día estupendo o día que nos visitou o Apalpador. Nós nos esforzamos moito facéndolle este mural tan chulo e el tróuxonos un regalo feito por el,un puzle de madeira moi especial.